Берничә тапкыр хөкем ителгән бодибилдер үги әтисен үтергән, әнисе комада
Комсомольск-на-Амуре шәһәреннән бодибилдер үги әтисен үтергән һәм әнисен комага җибәргән. Сорау алуда ул үз гаиләсен күптән күралмавын әйткән.
SHOT мәгълүматлары буенча, 41 яшьлек Михаил әнисе һәм үги әтисе белән бер йортта яшәгән. Чираттагы ачуланышудан соң Миша, котырынып, балта ала һәм үги әтисе – 63 яшьлек Рәфыйкка ташлана. Бөтен көче белән ир-атның башына 4 тапкыр суга. Һәм болар барысы да олы яшьтәге әнисе күз алдында була. Ләкин улы аны да кызганмый. Ул пенсионер әнисенә дә балта белән китереп суга.
Бодибилдер, әнисе дә үлгән дип уйлап, үтерү урыныннан кача. Ләкин хатын исән кала. Хәзер ул кома хәлендә реанимациядә.
Михаилны кайнар эзләр буенча тоткарлыйлар. Ул инде бик күп тапкыр хөкем ителгән булып чыккан: наркотиклар, автомобиль урлау, күпсанлы урлаулар һәм үтерү белән янаган өчен.